„სამეფო კლუბი“ საქართველოს მეფედ პრინც ხუან ბაგრატიონს განიხილავს

„მეფე იქნება და არის ასეთი ადამიანი, ვისზეც მე 10 წლის წინ დავიწყე საუბარი. უბრალოდ, ამ ეტაპზე, მან მთხოვა, რომ რადგან ჯერ მზად არ არის, ახალი ჩამოსულია საქართველოში, მისი ვინაობა არ გავამხილო“ – აღნიშნული განცხადება „სამეფო კლუბის“ დამფუძნებელმა, პოლიტოლოგმა გია ბურჯანაძემ „მედიაცენტრ მთავარში“ გააკეთა.

ადამიანი, რომელზეც „სამეფო კლუბი“ სწორებას აკეთებს, ესპანეთში მცხოვრები ბაგრატიონების შთამომავალი პრინცი ხუან ბაგრატიონია. მან ქართველ გოგონაზე იქორწინა და ახლა, უკვე მეფობისთვისაც ემზადება.

„ის საქართველოში ახალი ჩამოსულია, ეცნობა ამ ქვეყანას, დაქორწინდა და ამ ეტაპზე, მისი დასახელებით, არ მინდა ხელი შევუშალო. მის შესახებ საქართველოს საგარეო საქმეთა სამინისტრომ ძალიან კარგად იცის. თუ მოინდომებს, კარგად იცის, ვისზე ესაუბრება ესპანეთი მეფე, ვინ არის ესპანეთის მეფის პირველი ნათესავი საქართველოში“ – აღნიშნა გია ბურჯანაძემ „მედიაცენტრ მთავარში“.

რაც შეეხება დავით ბაგრატიონ-მუხრანელს და მის 8 წლის ვაჟს, „სამეფო კლუბი“ მათ მეფობის კანდიდატად არც განიხილავს.

„თუ 8 წლის ბავშვზე მეკითხებით, თუ ის გახდება საქართველოს სამეფო სახლის ტახტის მემკვიდრე, ეს მოხდება 15 წლის შემდეგ. 15 წელიწადი თუ აქვს საქართველოს დაცდის დრო, ეს სხვა ვარიანტია. ჩვენ დღეს გვჭირდება ეს ცვლილებები, როდესაც ქვეყანა სამოქალაქო ომის ზღვარზეა. დავითის და ანას შვილი ვერ გამეფდება, რადგან ის არასწრულწლოვანია“ – აღნიშნა გია ბურჯანაძემ „მედიაცენტრ მთავარში”.

მსგავსი თემები

5 Thoughts to “„სამეფო კლუბი“ საქართველოს მეფედ პრინც ხუან ბაგრატიონს განიხილავს”

  1. სოსო

    მოგმართავთ „სამეფო კლუბის“ დამფუძნებელს, პოლიტოლოგს, ბატონ გია ბურჯანაძეს!
    თქვენი განცხადება რომ თავს უფლებას აძლევთ დაასახელოთ საქართველოს მეფე, უტიფრობასთან ერთად დიდი უგუნურებაცაა და სიბრიყვეც!
    ვინ ხართ და რატომ თვლით რომ მეფის შერჩევის პრივილეგია გაქვთ, თანაც ამას კიდევ აცხადებთ ერთხელ გაკეთებული სამარცხვინო არჩევანის შემდეგ!
    მხოლოდ იმიტომ მოგმართავთ, რომ საქართველპოს გადასარჩენად ყველაზე უკეთეს გამოსავალს მე ვხედავ მონარქიაში, მაგრამ არა კონსტიტუციურ მონარქიაში, არამედ კონსტიტუციურად დაკანონებულ რეალურ მონარქიაში!
    სამწუხაროდ მე ვერ ვხედავ ჭყონდიდელის აღზრდილი დავით აღმაშენებლის სადარ ისეთი მონარქის რეალურ კანდიდატურას, რომელიც ღირსეულად შეასრულებდა იმ მოვალეობას, რაც საქართველოს გადამრჩენელ ნამდვილ მონარქს უნდა ჰქონდეს!
    ასეთი მონარქი არც რეფერენდუმით უნდა აირჩეს და არც თაღლითების საარჩევნო კომისიით ჩატარებული, არჩევნებიად მოხსენიებული ტაკიმასხატრობით!
    მითუმეტეს მონარქი არ უნდა შეირჩეს ისეთი გაუგებარი და საეჭვო პირების მიერ, როგორიცაა კოოპერატივის მსგავსად დარეგისტრირებული „სამეფო კლუბი“!
    მონარქად კურთხევისათვის და არა არჩევისათვის უნდა დაკმაყოფილდეს შემდეგი პირობები:
    1. მონარქმა უნდა იცოდეს ქართული ენა, იცნობდეს კულტურას, ტარდიციებს და სულიერ ფასეულობებს!
    2. ჰქონდეს ღირსეული ბიოგრაფია და ქცევის წესები!
    3. აცნობიერებდეს რომ დიდ პასუხისმგებლობას იღებს!
    4. ვიღაცის კოოპერატივ „სამეფო კლუბის“ წევრებმა კი არა, მთელმა ქართულმა საზოგადოებამ უნდა შეიმუშავოს მონარქის ის ვალდებულებები, ჯერ ვალდებულებები და შემდეგ მის განსახორციელებლად საკმარისი მონარქის უფლებები!
    5. მონაქის კანდიდატმა არჩევნებამდე უნდა გააკეთოს შეფასებები ყველა ძირეულ პრობლემებზე და დასახოს ამ პრობლემების მოგვარების გეგმა!
    6. მონარქმა უნდა აიღოს პასუხისმგებლობა პრობლემების მოგვარებაზე და უნდა იცხოვროს ისე, როგორც იცხოვრებს ქვეყანაში მასწავლებელი, ექიმი, ინჟინერი და სხვა პროფესიონალი ჩვეულებრივი მოქალაქე!
    7. მეფობა ეს ვალდებულებაა ქვეყნისათვის გაწიროს თავი და არა ბედნიერი ცხობრების პრივილეგია მილიონების ჩასაჯიბად!
    8. მონარქი და მითუმეტეს მისი კანდიდატის შემრჩევი ე.წ. „სამეფო კლუბი“ საქართველოს განადგურების გულგრილი მაყურებელი კი არ უნდა იყოს და საქართველოს გამყიდველ ხელისუფლებებს ბაგრატიონთა ორდენებით კი არ უნდა აჯილდოვებდეს, ყველა პრობლემებზე უნდა აკეთებდეს მიუკერძოებელ შეფასებას და მონაწილეობას ღებულობდეს ომებში!
    ეს არის მოთხოვნების ძალიან მცირე ნაწილი!

  2. ანონიმური

    eg vinaa ???????,

  3. ანონიმური

    ვის რაში ჭირდება უქნარა მეფე?!!

  4. ბიძინა

    ღვთის მფარველობა არ მოჰკლებოდეს. თქვენ ვისაც გადაწყვეტთ იმაც მივიღებ ჩემს მეფედ. უფალმა ინებოს და აღადგინოს მეფის „მოქმედი ტახტი“ საქართველოში.
    ჩემს თავში კი მწყდება გული. დიდია უფალი, რა ვიცი როდის მომიწევს მის სიახლოვეს ჩავლა. სამწუხაროდ არ ვიცი ქმედების ეტიკეტები.

  5. ანონიმური

    ვის რაში ჭირდება “მეფე” , სიღარიბის პირას ქართველ ხალხს ეგღა აკლია არჩინოს მეფე და მისი ხუშტურები.