რუსეთის საპატრიარქო მრევლს ურჩევს, მღვდლის ხელზე ამბორისგან თავი შეიკავონ

რუსეთის საპატრიარქო კორონავირუსის გავრცელების საფრთხესთან დაკავშირებით მოსკოვის ეპარქიისთვის ინსტრუქციას ავრცელებს. 

ინსტრუქციის თანახმად, ზიარების დროს თითოეული მორწმუნის ზიარების შემდგომ კოვზი გაიწმინდება სპირტით გაჟღენთილი ხელსახოცით, ყოველ ჯერზე გამოყენებული იქნება ახალი ხელსახოცი. ზიარების შემდეგ მისაყოლებელი მრევლს ერთჯერადი ჭურჭლით მიეწოდება.​ სეფისკვერები ერთჯერადი ხელთათმანების გამოყენებით დარიგდება.

რუსეთის ეკლესია მოზიარეებს ურჩევს, თავი შეიკავონ ზიარების თასზე (ბარძიმზე) მთხვევისგან.

ნათლობის ყოველი რიტუალისას უნდა მოხდეს წყლის გამოცვლა და კურთხევა. ღვთისმსახურების შემდეგ სასულიერო პირებს ურჩევენ ჯვარზე მთხვევის ნაცვლად მორწმუნეებს თავზე დაადონ ჯვარი, მრევლს ურჩევენ მღვდლის ხელზე ამბორისგან თავი შეიკავონ.

ინსტრუქციის თანახმად, ღვთისმსახურებისას გამოყენებული ჭურჭელი ყოველი რიტუალის შემდეგ უნდა დამუშავდეს მდუღარე წყლით, დროებით შეწყდეს საკვირაო სკოლების, ასევე სექციებისა და წრეების მუშაობა.

ამას გარდა, ინსტრუქცია ითვალისწინებს ტაძრების განიავებას, ტაძრებში საერთო სარგებლობის ავეჯის, ასევე ხატების დეზინფექციას. სასულიერო პირებს ურჩევენ, ყურადღება მიაქციონ საკუთარ ჯანმრთელობას, ასევე დაიცვან ჰიგიენის წესები, მათ შორის ხელების დეზინფექცია.

მსგავსი თემები

One Thought to “რუსეთის საპატრიარქო მრევლს ურჩევს, მღვდლის ხელზე ამბორისგან თავი შეიკავონ”

  1. I believe this web site contains very excellent pent content content.