მინისტრი პანკისში მომხდარ დაპირისპირებაზე პასუხისმგებლობას საკუთარ თავზეც იღებს

ეკონომიკის მინისტრი ნათია თურნავა მოსახლეობასა და ხელისუფლებას შორის კომუნიკაციის ნაკლებობაზე საუბრობს. როგორც მან პარლამენტის ტრიბუნიდან განაცხადა, ის მოვლენები, რაც პანკისის ხეობაში განვითარდა, ადგილობრივ მოსახლეობასთან დაბალი კომუნიკაციის შედეგია.

„რაც მოხდა, იყო ძალიან სამწუხარო გაუგებრობა. როდესაც მსგავსი ფაქტი ხდება, ძირითადი პასუხისმგებლობა სახელმწიფოზეა, რა თქმა უნდა, ეკონომიკის სამინისტროზე და ეკონომიკის მინისტრზეც. მეც ვგრძნობ ჩემს პასუხისმგებლობას შექმნილ პრობლემაზე. დავინახე ძალიან დიდი გამოწვევა და საჭიროება, მთლიანად ენერგეტიკის დარგის რეფორმირების. ქვეყნისთვის ძალიან საჭირო პროექტებს, ცუდი კომუნიკაციის გამო, დაბრკოლება ექმნება და ვერ ხორციელდება დროულად. პანკისის მოვლენებმა დაგვანახა, რომ ჩვენი ენერგეტიკის სექტორი სწრაფ რეფორმირებას საჭიროებს, მათ შორის, კომუნიკაციის ნაწილშიც. კომუნიკაცია აშკარად აკლდა ამ კონკრეტულ შემთხვევას“, – განაცხადა მინისტრმა თურნავამ პარლამენტში.

შეგახსენებთ, რომ 21 აპრილს, პანკისის ხეობაში ჰესის მშენებლობის გამო, ადგილობრივებსა და პოლიციას შორის მომხდარ დაპირისპირებასთან დაკავშირებით აღძრულია სს საქმე. შსს-მ გამოძიება პოლიციაზე თავდასხმისა და მათი ქონების დაზიანების ფაქტზე დაიწყო.

მსგავსი თემები

3 Thoughts to “მინისტრი პანკისში მომხდარ დაპირისპირებაზე პასუხისმგებლობას საკუთარ თავზეც იღებს”

  1. Very interesting information!Perfect just what I was searching for!

  2. I got what you mean , appreciate it for putting up.Woh I am lucky to find this website through google. “You must pray that the way be long, full of adventures and experiences.” by Constantine Peter Cavafy.

  3. You are my breathing in, I have few blogs and often run out from to brand.