ინტენსიური თოვის გამო, ქედის, შუახევისა და ხულოს საჯარო სკოლებში სასწავლო პროცესი აჭარის განათლების სამინისტროს გადაწყვეტილებით, კიდევ ერთი დღით გადაიდო.
აჭარის საგზაო დეპარტამენტის ინფორმაციით, გუშინ გვიან ღამემდე მიმდინარეობდა და დღეს დილიდან განახლდა გზების გაწმენდის სამუშაოები. ამ დროისთვის მაღალმთიანეთში მობილიზებული 64 ერთეული ტექნიკა. ავტოტრანსპორტის გადაადგილება შესაძლებელია ბათუმი-ხულოს ცენტრალურ გზაზე.
გუშინ საღამოს ელექტროენერგიის მიწოდება მცირე გამონაკლისის გარდა აღუდგა მთიან მუნიციპალიტეტებს, თუმცა დილიდან კვლავ შეფერხებები ფიქსირდება ცალკეულ სოფლებში. სამივე მუნიციპალიტეტში მუშაობს საგანგებო შტაბი.
