კარანტინისა და თვითიზოლაციის წესების დამრღვევი პირებისთვის შესაბამის პარლამენტი ინიციატივას დაარეგისტრირებს

“პარლამენტში დღეს დაჩქარებული წესით დარეგისტრირდება ინიციატივა, რომელიც კარანტინისა და თვითიზოლაციის წესების დამრღვევი პირებისთვის შესაბამის ზომებს ითვალისწინებს” – ამის შესახებ საპარლამენტო უმრავლესობის წევრმა მამუკა მდინარაძემ გაანცხადა.

მისივე ინფორმაციით, ასეთი პირების მიმართ ადმინისტრაციული პატიმრობის საკითხიც განიხილება.

„საპარლამენტო უმრავლესობა შეუერთდება საქართველოს პარლამენტის თავმჯდომარის ინიციატივას და დღესვე, დაჩქარებული წესით დარეგისტრირდება ინიციატივა, რომლის მიხედვითაც, იქნება სავარაუდო ჯარიმა და შესაბამისი სასჯელი მათთვის, ვინც შეეცდება, დაარღვიონ კარანტინისა და თვითიზოლაციის წესები. სამწუხაროდ, ეს საჭირო გახდა იმის მიუხედავად, რომ უმრავლესობა ვინც თვითიზოლაციაშია, პასუხისმგებლობით ეკიდება ამ საკითხს, მაგრამ არიან გამონაკლისები, რომლებიც ამ წესს არ იცავენ.
ჩვენ უფრო ვფიქრობთ, რომ ადმინისტრაციულ კოდექსში დაჩქარებული წესით შევიტანთ ცვლილებებს. ჩვენ უნდა ვიყოთ ადეკვატურად მკაცრები ასეთი შემთხვევების მიმართ, ჩვენ არ გამოვრიცხავთ და განვიხილავთ ასევე ადმინისტრაციულ პატიმრობასაც. თუმცა, წინასწარ არ შეიძლება ამაზე საუბარი, დღეს გვექნება კონსულტაციები უმრავლესობასთან და საღამომდე უკვე იქნება კანონპროექტი დარეგისტრირებული“ ,- განაცხადა მამუკა მდინარაძემ.

მსგავსი თემები

One Thought to “კარანტინისა და თვითიზოლაციის წესების დამრღვევი პირებისთვის შესაბამის პარლამენტი ინიციატივას დაარეგისტრირებს”

  1. mens hoodies online

    I will right away grab your rss as I can not find your email subscription link or newsletter service. Do you ave any? Please let me know in order that I could subscribe. Thanks.