„ივანიშვილი მეტ პატივს სცემს მის ზვიგენსა და ზებრას, ვიდრე ხალხს” – რომან გოცირიძე

„ივანიშვილი მეტ პატივს სცემს მის ზვიგენსა და ზებრას, ვიდრე ხალხს. ნაცვლად იმისა, რომ ანგარიში გაეწია საზოგადოებრივი პროტესტისთვის და მოეხსნა გახარია, პირიქით, თავზე დაგვასვა”, – ასე გამოეხმაურა საპარლამენტო ფრაქცია „ნაციონალური მოძრაობის“ თავმჯდომარე, რომან გოცირიძე პრემიერ-მინისტრობის კანდიდატად გიორგი გახარია დასახელებას.

​როგორც რომან გოცირიძე აცხადებს, ახალი მთავრობა რუსეთის ინტერესების სრული დაკმაყოფილებაა.

“ამ გამოწვევას საზოგადოება მიიღებს და ძალიან ცუდად დამთავრდება „ქართული ოცნების“ პოლიტიკური ბედი, ვინაიდან ის მთავრობა, რომელიც ჩვენ ახლა მივიღეთ, ეს არის ფაქტობრივად გავრილოვის მთავრობა. ეს არის რუსეთის ინტერესების სრული დაკმაყოფილება. საქარველოში რუსეთი შემოვიდა ჯერ სიმბოლურად ამ დარბაზში, როდესაც გავრილოვი წამოსკუპდა პარლამენტის თავმჯდომარის სკამზე და დღეს, უკვე რუსეთი შემოვიდა საქართველოს მთავრობაში იმ სულისკვეთებით, რასაც დღეს ბიძინა ივანიშვილი ახორციელებს“, – განაცხადა რომან გოცირიძემ.

მისივე თქმით, ბიძინა ივანიშვილის ქმედებები ემსახურება ერთადერთ მიზანს, წინასაარჩევნოდ პოზიციების გამაგრებას.

„ყველა ქმედება, რაც მან 20 ივნისის შემდეგ ჩაატარა, დაპატიმრებები, რეპრესიები, „რუსთავი “-ის დახურვა, ნიკა მელიას სახლში გამოკეტვა, ბიზნესის დევნა, ჯაფარიძის, წერეთლის, მამუკა ხაზარაძის ფაქტობრივად შინა პატიმრობა და ასეთი პრორუსული მთავრობის მოყვანა, ემსახურება ერთადერთ მიზანს, რომ ივანიშვილმა წინასაარჩევნოდ გაიმაგროს პლაცდარმი.

საბოლოოდ, დარჩა 20 ყურმოჭრილი, მისი ლაქია მოსამართლის დანიშვნა და ამით მორჩება ხელისუფლების საბოლოო უზურპაციის პროცესი და ივანიშვილს თამამად შეგვიძლია ვუწოდოთ არა „ქართული ოცნების“ თავმჯდომარე, არამედ ქართული ოცნების ფაშა. ვინც ასე მოიქცა, ყველა დამარცხდა. ხალხის წინააღმდეგ წამსვლელი ყოველთვის ამთავრებს ერთი და იმავე შედეგით“, – განაცხადა რომან გოცირიძემ.

მსგავსი თემები