იაპონიაში, საკრუიზო ხომალდზე კორონავირუსის კიდევ 99 შემთხვევა გამოვლინდა

იაპონიის იოკოჰამას პორტში მდგარ საკრუიზო ხომალდზე კორონავირუსის კიდევ 99 შემთხვევა გამოვლინდა. ჯამში, ბორტზე ვირუსის შემთხვევათა რიცხვმა 454-ს მიაღწია. ამის შესახებ ინფორმაციას სააგენტო „როიტერი“ იაპონურ მედიაზე დაყრდნობით ავრცელებს.

ხომალდის ბორტზე თავდაპირველად 3 700 მგზავრი და ეკიპაჟის წევრები იმყოფებოდნენ. კორონავირუსით ინფიცირებულები იაპონიის სხვადასხვა საავადმყოფოში არიან გადაყვანილი.

ბოლო მონაცემებით, კორონავირუსს მსოფლიო მასშტაბით უკვე 1 770 ადამიანი ემსხვერპლა. გაზრდილია დაინფიცირების შემთხვევებიც, კორონავირუსი 70 ათასზე მეტ ადამიანს დაუდგინდა.

მსგავსი თემები