“ეს არ არის არც გახარიასა და არც ივანიშვილის ქვეყანა, ეს თქვენი, ჩვენი ქვეყანაა” – ლევან ბერძენიშვილი (ვიდეო)

“ეს არ არის ივანიშვილის ქვეყანა, ეს არ არის გახარიას ქვეყანა. ეს არც სამარცხვინო პარლამენტარებისა და უწიგნური მინისტრების ქვეყანაა. ეს თქვენი ქვეყანაა”, – ამ სიტყვებით ლევან ბერძენიშვილმა იმ ახალგაზრდებს მიმართა, რომლებიც შს მინისტრის, გიორგი გახარიას გადადგომას ითხოვენ.

“თანამედროვე საქართვლოს ისტორიაში ორი უმნიშვნელოვანესი დღეა. ერთი არის 9 აპრილი, როდესაც ეს ქვეყანა დაიბადა, როგორც დამოუკიდებელი ქვეყანა, როდესაც მისი დამოუკიდებლობა გამოცხადდა, როდესაც მსოფლიო რუკაზე დამოუკიდებელი ფერი შეიძინა. ახლა არის მეორე უმნიშვნელოვანესი დღე საქართველოს ისტორიაში, 20 ივნისი, როდესაც გაირკვა რისთვის დაიბადა ეს ქვეყანა. ის დაიბადა იმისათვის, რომ მასში თქვენ, თავისუფალი ადამიანები ცხოვრობდეთ, რომელთაც უყვართ და დაიცავენ მის ღირსებას,“ – განაცხადა ლევან ბერძენიშვილმა.

ლევან ბერძენიშვილის თქმით, საქართველოს არ ეკადრება ისეთი ხელისუფლება, რომელიც საკუთარი ქვეყნის ღირსების გამოსულ ადამიანებს არბევს და თვალებს თხრის.

“ეს არ არის ივანიშვილის ქვეყანა, ეს არ არის გახარიას ქვეყანა. ეს არც სამარცხვინო პარლამენტარებისა და უწიგნური მინისტრების ქვეყანაა. ეს თქვენი ქვეყანაა, ეს ჩვენი ქვეყანაა, ეს რუსთაველის ქვეყანაა, ეს ბარათაშვილის ქვეყანაა… ბოროტებას ჩვენ ერთად ვეტყვით: წადი! წადი! წადი!“ – განაცხადა ბერძენიშვილმა.

ლევან ბერძენიშვილის მიმართვა ახალგაზრდებს

Posted by David Berdzenishvili on პარასკევი, 05 ივლისი, 2019

მსგავსი თემები