გუბერნატორი ფასანაურის მოსახლეობის და დამსვენებლების საჭიროებებს გაეცნო

მცხეთა-მთიანეთის გუბერნატორი ფასანაურში ადგილობრივ მოსახლეობას და დამსვენებლებს შეხვდა და მათი საჭიროებებით დაინტერესდა. შეხვედრაზე განიხილეს ადმინისტრაციული ერთეულის მასშტაბით აქტუალური თემები, მათ შორის, გაზიფიცირების, წყალმომარაგებისა და ინფრასტრუქტურული კეთილმოწყობის საკითხები.

გუბერნატორი, ასევე, გაესაუბრა კობში ჩამოსულ ტურისტებს და მათი შთაბეჭდილებების შესახებ მოისმინა.

მცხეთა-მთიანეთის გუბერნატორი აქტიურად განაგრძობს მოსახლეობასთან უშუალო კომუნიკაციას. ასევე, შალვა კერესელიძე ინტერესდება ტურისტული ზონების მდგომარეობით, სამომავლოდ დამსვენებლებისთვის უკეთესი პირობების შექმნის მიზნით.

“ტურიზმის განვითარება და დამსვენებლებისთვის შესაბამისი პირობების შექმნა ჩვენი ერთ-ერთი ძირითადი პრიორიტეტია. ამ მიმართულებით მუშაობა უკვე დაწყებულია და მომავალში უფრო აქტიურად გაგრძელდება. გავეცანით დამსვენებლების და ადგილობრივი მოსახლეობის საჭიროებებს, რისი მოგვარებაც აუცილებლად პრიორიტეტი იქნება სამუშაო პროცესში ” – განაცხადა შალვა კერესელიძემ.

მსგავსი თემები