თბილისის ქუჩებში, ნებართვის გარეშე, სატრანსპორტო საშუალების, მასზე მისაბმელის ან ნებისმიერი სხვა მოძრავი საშუალების გამოყენებით მოვაჭრე 1 000 ლარის ოდენობით დაჯარიმდება, საქონელი კი კონფისკაციას დაექვემდებარება. დაუმორჩილებლობის შემთხვევაში, ჯარიმის ოდენობა ორმაგდება.
ადმინისტრაციულ სამართალდარღვევათა კოდექსით გათვალისწინებული ნორმები დღეიდან მოქმედებს. მორიგი ცვლილებით, რომელიც ასევე ძალაშია, გარევაჭრობა 20-დან 50 ლარამდე დაჯარიმდება. სავაჭრო საგანიც კონფისკაციას დაექვემდებარება.
როგორც თბილისის მერიის ზედამხედველობის სამსახურის უფროსი გიორგი ბაგრატიონი მანამდე აცხადებდა, ავტოსატრანსპორტო საშუალების გამოყენებით გარე ვაჭრობა მთლიანად არ იკრძალება, ამისთვის შესაბამისი ადგილები გამოიყოფა.
