აშშ-ის სახელმწიფო დეპარტამენტი სოფელ ჩორჩანაში განვითარებულ მოვლენებთან დაკავშირებით განცხადებას ავრცელებს.
„ამერიკის შეერთებული შტატები თვალყურს ადევნებს რუსეთის მიერ ოკუპირებულ საქართველოს რეგიონ სამხრეთ ოსეთის ადმინისტრაციულ სასაზღვრო ხაზთან სამხედრო გაძლიერებას.
მოვუწოდებთ ყველა მხარეს, თავი შეიკავონ ესკალაციისგან და იმუშაონ ევროკავშირის სადამკვირვებლო მისიის ცხელი ხაზისა და ჟენევის საერთაშორისო თანათავმჯდომარეების მეშვეობით შექმნილი სიტუაციის მოსაგვარებლად.
ამას გარდა, მოვუწოდებთ რუსეთის ფედერაციას, გამოიყენოს ყველა ხელმისაწვდომი არხი ადმინისტრაციული სასაზღვრო ხაზის გასწვრივ ვითარების ესკალაციის თავიდან ასაცილებლად“, – ნათქვამია აშშ-ის სახელმწიფო დეპარტამენტის განცხადებაში.
